علق الإعلامي عمرو أديب، على واقعة حرق راسموس بالودان زعيم حزب «الخط المتشدد» اليميني المتطرف في الدنمارك، نسخة من القرآن الكريم، أمام السفارة التركية بالعاصمة السويدية ستوكهولم.

وقال «أديب» في تعليق خلال برنامجه «الحكاية»، والذي يعرض عبر قناة «إم بي سي مصر»، أمس الإثنين: «لما بسمع خبر حرق المصحف الشريف بتأذى جدًا وبتضايق، بس عمري ما فهمت السبب، إيه الشيء المريح للشخص اللي بيعمل ده المصحف في قلوبنا مهما حرقت ومهما عملت».

وضاف: «اللي بيعمل الكلام ده بيعمله ليه؟ عنده مشكلة مثلا مع المهاجرين، بالدوان ده كل سنة يروح يحرق مصحف، المفروض إنكم دول متقدمة وإحنا دول العالم الثالث بتوع الإرهاب والكلام ده، إيه العقلية القذرة دي، شيء ليس لا علاقة بالأخلاق، شيء يمثل وضاعة حقارة، هتستفيد إيه من حرق المصحف».

وتابع: «رئيس الوزراء السويدي يطلع يمسك العصاية من النص، ويقول إنه ضد حرق المصحف ولكن هناك حرية تعبير، هي حرية التعبير دي مبتجيش غير في المصحف».

وأكمل «أديب»: «أنا روحت الدنمارك وقت الرسوم المسئية للرسول، وقابلت الراجل الذي رسم الرسوم المسيئة للرسول، ووجدت خواء وهبل ولا شيء، الناس بتعمل لا شيء، وهما مش عارفين إنهم بيعملوا جريمة إنسانية».

واستطرد: «المصحف ربنا حاميه، احرق مليون مصحف، المصحف محمي، المصحف قعد عشرات السنين في القلوب لغاية ما اتكتب، هما بيظهروا بشكل جاهلي وغير إنساني، ويجب أن يكون هناك تحرك قانوني تجاه هذه الوقائع».