الخبرة اللي زعلانين ومتضايقين مني ليش اسمي ما حصل في 2011 "نثرة "، وانو يفترض بي أصيح لها باسم الدلع واسميها ثورة!؟
طيب مش مشكلة؛ ولا تزعلوا
وإذا كنتم مصممين تدلعوها ثورة
وتشتوا الناس زيكم يصيحوا لها باسم الدلع.
ويقولوا أنها "ثورة سلمية"، مش نعثة تدميرية عصدت ام البلاد تحت فوق، فالمفروض عليكم لو انتوا "ثوار" صحيح سعما بتقولوا انو مايجي ذكرى الدلوعة السنوية الا وانتوا داريين؛ على الأقل؛ منو اللي نعثها ؟ ومنو حرف مسارها؟ ومنو خلاها شوعة ما تفتح نفس مخلوق يصيح لها باسم الدلع؟ إلا إذا كان هذا المخلوق شوعه من داخله وماعنده نظر.
اسالكم بالله هذي دلوعة تستحق الاطراء وكل رموزها الفاعلين في الميدان ناس خيب؟!
اسالكم بالله منو يدلع شوعة ناسية تضحية هاذاك الشاب الصادق البريئ اللي شفناه في التلفزيون وهو يداهف بيداته الثنتين عربة تفريق المتظاهرين تحت جسر كنتاكي بينما كل الخيب وكل الجيف الأحياء منهم والأموات والمشردين وحدهم عالقين وخالدين في ذاكرتها؟
وامانه عليكم كيف يجي للواحد نفس يدلع واحدة خرجت الشارع وهي "سلميه ياسعم"؛ وما درينا إلا وهي بوجه ثاني، تعتدي على مؤسسات الدولة وتقتحم المعسكرات وتسرقها وتوجت "سلميتها" بتفجير دار الرئاسة؟!!
وسهل لاقد الأمر هكذا وبس، المشكلة أن كل هؤلاء الخبره الزعلانين ليش ما أصيح للنعثة باسم الدلع والسلمية؟!؛ محد فيهم حتى عنده استعداد يصون شرف الدلوعه؛ بشرف.
ولو كان عند طابور شواعة الدلوعة الشوعة والخيبة شوية دم بس أنهم ما يجي كل سنة من ذكرى نعثتهم إلا وهم يدينون ويلعنون عيال السوق اللي سرقوا سروال الدلوعة في وضح النهار وشوهوا سمعتها.
لكن؛ ولأنهم شواعة خيب وعيال شوارع اصلا؛ عندهم الأمر بطولة؛ وماكودهم يلعنوا عفاش..!!
ويلعنوه ليش طيب؟
لانه مارضيش يسلم "سروال الدلوعة سلميا" للشواعة..
للخيب بني الخيب اللي نعثوا ام البلاد.
واليوم هم هاناك؛ في هاذيك البلدان البعيدة؛ مفتهنين يتمشوروا بسروال الدلوعة ويشتوني اسميها ثورة!
والا اصحابهم الخيب، شواعة الداخل؛ العائشين على أمل تحسين سمعة الدلوعة؛ قدهم يشوفوا فعايل ال"نثرة" لاوين ودت البلاد.
وقد احنا ياسعم عايشين في "جحر الحمار الداخلي"؛ وهم عقول بلا سراويل؛ يمكنونا: "ثورة فبراير العظيمة"!
مله الله يجعلك عظم ثور يدخل (...) ياضاك وما نسمعك تقول آح قل: آمين
الأكثر قراءةً
الأكثر تعليقاً
-
جماعة الحوثيين تتخذ إجراءات جديدة ضد المحافظات المحررة
-
الخارجية الروسية تفجر قنبلة بشأن اليمن
-
صورة للشيخ عبدالمجيد الزنداني اثناء مرضه التقطها نجله دون علمه.. شاهد ماذا كان يكتب الشيخ الزنداني؟
-
انقلاب سيارة تقل مسافرين في الوديعة عقب عودتهم من السعودية.."الاسماء"
-
تغير جديد ومفاجئ في اسعار صرف الريال اليمني مقابل الدولار والريال السعودي اليوم الاحد ..السعر الآن
-
تعرف على الجبل الذي اصبح مكانا للقواعد الصاروخية لاستهداف باب المندب
-
الحوثي يصدم الفنانين والمنشدين شمال صنعاء بقرار قطع أرزاقهم كليا